Voivodeship Mazowieckie

Voivodeship Mazowieckie (Polandia: województwo mazowieckie [vɔjɛˈvut͡stfɔ mazɔˈvjɛt͡skʲɛ]), taker kaloktah dados Propinsi Mazovia, inggih punika voivodeship (propinsi) ring kangin-tengah Polandia, antuk ibu kotané magenah ring Warsawa, sané taler dados ibu kota negara. Voivodeship puniki ngelah jimbar 35,579 kilométer persegi (13,737 sq mi) lan ring warsa 2019, mapanjak 5.411.446 diri, manadosang ipun Voivodeship pinih ageng tur pinih padet ring Polandia.^[1] Kota-kota utamané punika Warsawa (1,783 yuta) rung pusat Wawengkon métropolitan Warsawa, Radom (212,230) ring kelod, Płock (119.709) sikauh, Siedlce (77.990) sikangin, lan Ostrołęka (52.071) sikalér.

Punika mawatesan sareng nem voivodeship liyanan: Warmia–Mazury sikalér, Podlaskie sikalér kangin, Lublin sikelod kangin, Świętokrzyskie sikelod, Łódź sikelod kauh, lan Kuyavian-Pomeranian sikalér kauh.

Voivodeship Mazowieckie pinaka pusat sains, panilikan, pandidikan, industri lan infrastruktur ring jero negeri. Sané mangkin propinsi puniki ngelah tingkat pangangguran pinih akidik ring Polandia lan rumasuk ring mapenghasilan sanget tegeh.^[2] Siosan punika genah puniki kasub ring kalangan wisatawan krana akéhné monumén malelintihan lan entikan gadang; wana irika ngacakupin langkung saking 20% wawidangan Voivodeship, punika taru pinus lan oak kautama ring lanskap régional.^[3] Liyané, Taman Nasional Kampinos sané magenah ring Mazowieckie katetapang olih UNESCO dados cagar biosfér.

1. ↑ Pikobet nganggit: Tag <ref> tidak sah; tidak ditemukan teks untuk ref bernama population
2. ↑ Pikobet nganggit: Tag <ref> tidak sah; tidak ditemukan teks untuk ref bernama aquatherm-warsaw.com
3. ↑ Internet, JSK. "Mazowieckie Province". Kaarsipin saking versi asli tanggal 30 May 2019. Kaaksés 10 April 2017.